呢排都睇左好多好精彩嘅演出,睇完會全身毛管楝兼個頭會「發發聲」。整理完會出少少感想。
好似尋晚去大館睇「撈鬆」,簡單D講住先,好好睇,係無猶疑腰骨挺直可以大大聲喪叫咁好睇,一個咁嘅戲名,又點估到喊到扯蝦,我覺得要不停重演,直到所有人睇晒為止。
但我想講嘅唔係呢樣。
話說我入場前,見到Yuri,我哋又自動波咁展開對人類文明毫無建樹嘅廢界對話。
我: 咦!你咪殿堂級芭蕾王子?!我睇呢個演出啲劇照呢,都無乜位行架喎,佢哋邊夠位跳舞呀?咁唔跳舞搵你嚟做咩呀?(無知婦儒大大聲兼手指指)
Yuri:都好多嘢做架!係咁郁先係表演咩乜咁敷淺架你;D表演唔郁先難呀你識乜吖!(手指指指指)
(下刪三萬字對話)
(同事A聽到我哋廢界對話被吸引過來。)
同事A:哎也我好中意你呀講嘢咁搞笑嘅你。點稱呼呀?
我: (想收斂廢能量但收唔切)Er⋯⋯你好呀我係阿詩呀,黃詠詩呀。
同事A:失覺晒呀。我叫做Jeanna。
我: 你好呀Jeanna.
同事A: 唔係呀 ,我叫「Geor~gina」。
(全劇完)
(問題: 呢個故事教訓咗我哋啲乜?)